သင်္ကြန်ဆိုတာ တို့ ဘ၀အတွက် ဘယ်လိုမှမေ့ထားလို့ မရတဲ့ ကာလအပိုင်းအစတစ်ခုပါပဲ။ သင်္ကြန်နီးပြီ ဆိုတာနဲ့ တို့ ရဲ့  ရင်ခုန်သံတွေ
ကြိုတင်နွေးထွေးနေတတ်တာ ဟိုးငယ်စဉ်ထဲကပဲ။ မနက်ဖြန်သင်္ကြန် ဆိုရင် ဒီနေ
့ညကထဲက အ်ိပ်မပျော်တော့ပဲ ဘယ်အချိန်မိုးလင်းပါ့ မလဲ လို့ 
နာရီထထကြည့်တဲ့အထိရူးသွပ်ခဲ့တာ။ မိုးလင်းတာနဲ့  အိမ်ထဲလူ အကုန်ကို
ဦးဦးဖျားဖျား ရေလောင်းရမှ ကျေနပ်တတ်တာ။
သင်္ကြန်ချစ်တဲ့တို
့အတွက် သင်္ကြန်ကို ပိုလို့ အမှတ်ရစေမဲ့ အဖြစ်အပျက်တွေ တိုက်ဆိုင်စွာပဲ
ဖြစ်ပျက် ခဲ့တယ်နော်။ အချစ် ဆိုတဲ့အရာကို နားလည်အောင်သင်ကြားပေးခဲ့တဲ့ တို
့ရဲ့ ချစ်သူကို သင်္ကြန်ရေတွေ စိုရွှဲနေတဲ့ သင်္ကြန်အကျနေ့ မှာ
စတင်သိကျွမ်းခွင့် ရခဲ့တယ်။ သင်္ကြန် မဏ္ဍပ်ဆောက်ထားတဲ့ သူငယ်ချင်း ဇာခြည်တို
့အိမ် မှာ နေ့ တိုင်းရေလာပက်တဲ့ တို့ နှင့် ဇာခြည့်အကိုရဲ့ သူငယ်ချင်း
သူနှင့် သင်္ကြန် ရက်တွေ အတွင်းမှာ အတူaရကစားကြရင်း ရင်းနှီး ခဲ့ကြတယ်။
တိုက်ဆိုင်မှုကတော့ ကျောင်းတွေပြန်ဖွင့်ချိန်မှာတို့ နှစ်ယောက် လုံး
တက္ကသိုလ်တစ်ခုထဲ မှာ မေဂျာတူ တက်ရတာပါပဲ။ တို့ ထက် အသက်ကြီးပေမဲ့
သူကနိုင်ငံခြားကအဒေါ်ဆီမှာ ၃နှစ်လောက်သွားနေ ခဲ့တော့ အခုမှတို့ တွေနဲ့  အတူ
ပထမနှစ် စတက်ရတာပေါ့။
ရယ်လိုက်တိုင်း ချစ်စရာပါးချိုင့်လေးနှင့်
သွားစွယ်ချွန် ချွန်လေးတွေနှင့် ကလေးတစ်ယောက်လို ဖြူ စင်ပြီး ချစ်စရာ
ကောင်း တဲ့သူ့ ကို သူ့ ရဲ့သတ်မှတ်ချက်တိုင်း “ကိုကြီး” လို့ ခေါ်ရတယ်။ တို့ 
ကိုတော့ သူက “ခရု”တဲ့လေ။ တို့ နာမည် “ခင်ခင် ယု” ကို စကားပြောရင် ခင်ယုကလေ
လို့  မြန်မြန်ပြောရင်းကနေ ခရု လို့ ဖြစ် သွားခဲ့တာ။
သူငယ်ချင်းတွေအားလုံးကလည်း “ခရု” လို့ ပဲခေါ် ကြတော့ တို
့ကိုယ်တိုင်လည်း စကားပြောရင် “ခရု” လို့ ပဲ ပြော တတ်တော့တာ ကြာပြီ။
ပထမနှစ်ကျောင်း တက်ရက်တွေမှာ အဖော်မဲ့မှာစိုးရွံ့ နေတဲ့ တို
့ရဲ့ ပူပန်မှုတွေကို ကိုကြီးကချေဖျက်ပေး ခဲ့တယ်။ မန္တလေးက ဆယ်တန်းအောင်လာပြီး
ရန်ကုန်မှာကျောင်းလာတက်တဲ့ တို့ မှာ သူငယ်ချင်းဆိုလို့ 
လက်ငါးချောင်းပြည့်အောင် မရှိခဲ့ဘူး။ အဲဒီအထဲမှာ ကိုကြီး ကိုတော့
အခင်တွယ်ရဆုံးပေါ့။
တို့ ကို ကလေးတစ်ယောက်လို
အရိပ်ကြည့်ပြီးစောင့်ရှောက်တတ်တဲ့ ကိုကြီးရဲ့ဂရုစိုက်မှုတွေ၊ တည်ငြိမ်ပေမဲ့
တောက်ပတဲ့ကိုကြီးရဲ့ မျက်ဝန်းနွေးနွေးတွေကြားမှာ တို့ ဟာအချစ်ဆိုတာကို
စတင်ကြား နာခဲ့ရတယ်။ သူများ တွေကသတိထားမိလောက်တဲ့အထိ ကိုကြီးက တို
့ကိုအလေးအနက်ထားခဲ့တယ်။
တို့ တွေဆုံတွေ့ ခြင်းရဲ့ နှစ်ပတ်လည်
သင်္ကြန်နေ့ မှာပဲ တို့ နှစ်ယောက် သိပ်ချစ်တဲ့ချစ်သူတွေ ဖြစ်ခဲ့ကြ တယ်နော်။
သင်္ကြန်မှာ ဘယ်မှမသွားဖြစ်တဲ့ တို့ ကို ကိုကြီးကညနေပိုင်းမှာ အဆောင်ကို
လာကြိုခဲ့တယ်။ သင်္ကြန်ရေကြားမှာ ဘယ်သွား ရမယ်မှန်းမသိတာနဲ့  အဆောင်နဲ
့သိပ်မဝေးတဲ့ ရန်ကုန်တက္ကသိုလ်ထဲကို အဓိပတိ လမ်းတလျှောက် ဖြည်းဖြည်းချင်း
လျှောက် လာရင်း နှစ်ယောက်စလုံး အတွေးကိုယ်စီနှင့်
တိတ်ဆိတ်ငြိမ်သက်နေခဲ့တယ်။
စာကြည့်တိုက်ရှေ့ က
ကျောက်ခုံတန်းလေးတွေမှာဝင်ထိုင်ရင်း တို့ ရော၊ ကိုကြီးပါ
ရင်ခုန်နေခဲ့ကြတယ်။ ညနေခင်း အကျနေ ဆည်းဆာဟာ တို့ နှစ်ယောက်ကြားကို
ထိုးဖောက်ဝင်ရောက်နေတာ ဟာလည်း ကဗျာ ဆန်နေပြန်ရော။ အနားကို ကိုကြီးက
တိုးကပ်လာရင်း တို့ လက်ကိုဆုပ်ကိုင်လိုက်ချိန်မှာ တုန်ယင်နေခဲ့တာ
သင်္ကြန်ရေကြောင့်တော့မဟုတ်ဘူးထင်တယ်။
“ခရုလေး” လို့ 
ကိုကြီးရဲ့ခေါ်သံအဆုံး တို့ မျက်ရည်တွေ စီးကျ လာခဲ့တာ ဘာကြောင့်မှန်း
မသိဘူး။ တို့  ကို နှစ်သိမ့်သလိုဖက်ထား တဲ့ ကိုကြီးရဲ့ရင်ခွင်ထဲမှာ
အားပါးတရငိုကြွေးခဲ့မိတယ်။ အဲဒီညနေ ခင်းလေးမှာပဲ ကိုကြီးနှင့်တို့ 
ဖွင့်ပြောစရာမလိုပဲချစ်သူတွေ ဖြစ် သွားခဲ့တယ်နော်။
ဒီနှစ်မှာ
ကျန်းမာရေးအခြေအနေကြောင့် ဘယ်မှမလည်ပဲ အဆောင်မှာပဲခွေနေတဲ့ တို
့ပျင်းမှာစိုး လို့ ဆိုပြီး နဂိုက စီစဉ်ထားတဲ့ သူငယ်ချင်းတွေနဲ
့သင်္ကြန်လည်ဖို့  အစီအစဉ်ကိုဖျက်ပြီး တို့ နားမှာ တနေကုန် အဖော်လုပ်ပေးတဲ့
ကိုကြီးကို တို့  ဘယ်လိုချစ်သွားမိမှန်း မသိဘူး။
“သင်္ကြန်ရက်ကလေး နှစ်ရက်သုံးရက်ပဲ သူငယ်ချင်းတွေ နဲ့ ပျော်ရတာလျှောက်လည်ပါ ကိုကြီးရယ်။” လို့  တို့ က ပြောပေမဲ့
“ကလေးနဲ့ နေရတာလောက်ပျော်စရာကောင်းတာရှိပါ့ဦးမလားကလေးရဲ့” ဆိုတဲ့ကိုကြီးရဲ့စကားကို ကြည်နူးမဆုံးဖြစ်ခဲ့ရတယ်။
မနက်ပိုင်းတည်းက ကိုကြီးလာရင် လမ်းထိပ်က အအေး ဆိုင်လေးမှာ အကြာကြီးထိုင်
စကားပြော၊ ထမင်းစားချိန် ဆိုင်မှာသွား စား၊ နေ့ လယ်ကျရင်
အဓိပတိလမ်းအတိုင်းလျှောက်၊ ကျောက် ခုံလေးမှာ ထိုင်၊ တို့ က မုန်
့တွေတမျိုးပြီးတမျိုးစားရင်း စကားတွေ ထိုင်ပြောရင်
ကိုကြီးကပြုံးပြီးကျေနပ်စွာ ထိုင်နားထောင်၊ ညနေစောင်း ရင် နှစ်ယောက်
အတူလက်တွဲပြီး အဆောင်ကို လမ်းလျှောက်ပြန်၊ ဒီလိုနဲ့ သင်္ကြန်ရက်တွေ ကို
ပျော်ရွှင်စွာ ကုန်ဆုံးစေခဲ့တယ်။ ပြန် ပြီးတွေးရင် အမှတ်ရစရာတွေ ချည်းပါပဲ
ကိုကြီးရယ်။ သင်္ကြန်ဆိုတာ (ကိုကြီးနဲ့ ဆုံတွေ့ ပြီးနောက်ပိုင်း) ဘယ်လိုမှ
တို့ တစ်ယောက် ထဲ ဖြတ်ကျော်ဖို့ မလွယ်ပါဘူး။ သင်္ကြန်ရယ်၊ ကိုကြီးရယ်၊ တို
့ရယ် ဟာ ခွဲမရအောင် တစ်သားတည်းကျသွားခဲ့ပြီလေ။
စဉ်းစားရင်းနဲ့ 
မနှစ်ကသင်္ကြန်ကိုပြန်ပြီးသတိရမိတယ်။ တို့  အမတွေက သင်္ကြန်ကိုသူတို့ နဲ့ အတူ
ခရီးသွားတာလိုက်ဖို့ ခေါ် ကြတယ်။ တို့ မလိုက်ချင်ပါဘူး။ သင်္ကြန်ဆိုတာကို တို
့က ကိုကြီးနှင့် ပဲဖြတ်ကျော် ချင်တာ။ မလိုက်ချင်ဘူးလို့  ငြင်းပေမဲ့ မရဘူး။
မေမေ တို့ ကပါ လိုက်သွားဖို့ သဘောတူတာကြောင့် အမဖြစ်သူရဲ့ မလိုက် မနေရအမိန်
့ကိုကြောက်လို့ နာခံပြီး လိုက် ခဲ့ရပေမဲ့ မပျော်ခဲ့ဘူး။ ကိုကြီးကို
ဒီအကြောင်းပြောပြတော့ “ချောင်းသာကို ကလေးမှ မရောက်ဖူးသေးတာလိုက်သွားပါ” တဲ့
လေ။ ကိုကြီးကိုလိုက် ဖို့ ခေါ်ပေမဲ့ သူ့ အဘွားရှိရာ တောင်ကြီး
ကိုသွားရမှာမို့ မလိုက်နိုင်ခဲ့ ဘူး။
တို့ ကသင်္ကြန်ဆိုကိုကြီးနဲ
့ပဲနေချင်တာလို့  သူ့ ကိုပြောပြတော့ ဒီနှစ်မရှိလည်း နောင်နှစ်တွေကျရင်
တူတူဖြတ်ကျော်နိုင်မှာပါ လို့  နှစ် သိမ့်တယ်။ တကယ်တမ်းကျတော့ ကိုကြီးက တို
့ထက်အရင်စော ပြီး တောင်ကြီးကိုထွက်သွား ခဲ့တယ်နော်။ ချောင်းသာသွားတဲ့လမ်း
တလျှောက်မှာ ကိုယ့်ခံစားချက် နဲ့ ကိုယ်မို့  သူများတွေလို မပျော်နိုင် ဘူး။
အဲဒီတော့ တို့ က အားလုံးရဲ့ နောက်ပြောင် စရာဖြစ်နေတော့ တာပေါ့။
သင်္ကြန်အကြိုနေ့ မနက်ပိုင်းတည်းက ရန်ကုန်ကထွက်ခွာခဲ့တာ
ချောင်းသာကမ်းခြေဟိုတယ် ကိုရောက်တော့ နေ့ လည် ပိုင်းဖြစ်နေပြီ။
အားလုံးကအခန်းယူပြီးပြီဆိုရင်ပဲ ရေထဲကိုဆင်းဖို့  အဆင် သင့်ဖြစ်နေကြပြီ။
သူတို့ တွေ ထွက်သွားပြီး တော့မှ တစ်ယောက်ထဲစိတ်ဓါတ် ကျကျနဲ့ လမ်းလျှောက် ဖို
့ဟိုတယ်ရှေ့ ကို အထွက် အခန်းရှေ့ ကသဲပြင်ပေါ်မှာ ခရုသေးသေးလေးတွေ နဲ
့ပုံဖော်ထားတဲ့စာ ကိုဖတ်ရင်း တစ်ကိုယ် လုံးတောင့် ကနဲဖြစ်သွားမိ တယ်။
ရေးထားတာကိုလည်း ကြည့်အုံး။
“ခရုလေး ကိုကြီး ရောက်နေပြီ။”တဲ့
မဖြစ်နိုင်တာ၊ ကိုကြီးကတောင်ကြီးသွားနေတဲ့ဟာကို။ ဘယ်လို လုပ်ပြီး
ချောင်းသာကိုရောက်လာနိုင် မှာလဲ။ စောစောက
ရုတ်တရက်ပျော်သွားမိတဲ့အပျော်စိတ်ကလေးတောင် ဘယ်ရောက်သွားမှန်းမသိ ဘူး။
ရေသွားကူးကြတဲ့အုပ်စုကို တီးတိုး ကျိန်ဆဲမိ တယ်။ တတ်လည်းတတ်နိုင်ကြတယ်။
ရေကူးစရာ ရှိ အေးအေးဆေးဆေး မသွားကြဘူး။ သူများကို နောက်သွားကြ သေးတယ်။
ကိုကြီးကို သတိရစိတ်တွေပိုလာတယ်။ ရေကူးနေကြတဲ့ သူတို့  ကိုငေးကြည့်ရင်း
ကိုကြီးသာ အနား မှာရှိရင်ဆိုတဲ့ အတွေးနဲ့  လွမ်းလွမ်းဆွေးဆွေးဖြစ်နေတုန်း
အေးကနဲဖြစ်သွားပြီး တစ်ကိုယ်လုံး စိုရွှဲစွာရေလောင်းချခံရတာကြောင့် စိတ်အနှောင့်ယှက်ဖြစ်စွာလှည့် အကြည့်
“ဟင် ကိုကြီး”
“ခရုလေး”
အနားကိုရောက်လာတဲ့ ကိုကြီးကိုပျောက်သွားမှာစိုးသည့် အလား တင်းကျပ်စွာဖက်ထားပြီးမှ သတိပြန်ရကာ သူ့ ကို တွန်းထုတ်လိုက်မိတယ်။
“ဘယ်လိုဖြစ်တာလဲ ခရုလေးရ။ အပြောင်းအလဲမြန်လှချည် လား။”
“တော်ပြီ။ ကိုကြီးကိုမုန်းတယ်။ ခရုကဖြင့် လွမ်းလို့ သေတော့မယ်။
အားလုံးဝိုင်းညာကြ တယ်။ တောင်ကြီးကိုသွားတဲ့သူက
ဘယ်လိုလုပ်ပြီးချောင်းသာရောက်လာရတာတုံး။ အခန်းဝကစာက ကိုကြီးလာရေးသွားတာလား။
”
“အင်းပေါ့။ ခရုလေး အံ့အားသင့်ဝမ်းသာသွားအောင် ကိုကြီးက
တမင်ပြောမထားတာ။ ကိုကြီးလည်း သင်္ကြန်မှာ ခရု လေးနှင့်ခွဲပြီး
ဘယ်မှမသွားနိုင်ပါဘူးကလေးရယ်။ ”
“အတူတူပဲပေါ့ ကိုကြီးရဲ့”
ကိုယ့်ကို အမြဲတမ်း အလိုက်သိလွန်းသောချစ်သူကို ပို၍
မြတ်နိုးရပြန်တယ်။ ထိုသင်္ကြန်ကတော့ သူမအတွက် ထူးထူးခြားခြားနဲ့  အပျော်ဆုံး
ဖြစ်ခဲ့ရတယ်။
xxx x x x သင်္ကြန်ကျရင်
ခရုနားကဘယ်ကိုမှမသွားပါဘူးဆိုတဲ့ ကိုကြီးရယ်။ ဒီနှစ်တော့
ခရုတစ်ယောက်ထဲ ထားခဲ့တယ်နော်။ လွင့်ပျံ့ လာသော သီချင်း အပိုင်းအစက
ရင်ထဲကဝေဒနာကိုထပ်မံနှိုးဆွပြန်တယ်။
“ဘယ်ဆီမှာလဲ အချစ်ဆုံးသူ၊
အမြဲတမ်းတ ညတိုင်းပဲ။ တစ်ကိုယ်ရေ ညများထဲ အိပ်မပျော်နိုင်တဲ့သူ”
ကိုကြီးရေ၊ တို့ ကတော့ ကိုကြီးကိုတမ်းတ ရင်းရူးသွပ်နေဆဲပါပဲ။ နားလည်မှုတွေနဲ
့ပြည့်ဝနေတဲ့ချစ်သူနှစ်ဦး ဟာ လာမယ့် သင်္ကြန်မတိုင်ခင်(သို့ ) သင်္ကြန်
အပြီးမှာလက်ထပ်မယ်လို့  စီစဉ်ခဲ့ကြတယ်။ ကန့် ကွက်မဲ့သူ မရှိ
အဆင်ပြေနေခဲ့တဲ့တို့ ဘ၀ခရီးဟာ ရှေ့ ဆက်ရမဲ့အစီ အစဉ်တွေနှင့်
ပျော်ရွှင်နေခဲ့ကြတယ်။ အခြေအနေ အပြောင်း အလဲတွေဖြစ်လာမယ်လို
့ထင်မထားခဲ့မိဘူး။
ကိုကြီးရဲ့ အမြွှာညီဟာ အမေရိကမှာရှိတဲ့သူ
့အဒေါ်တွေဆီမှာနေရင်း ကျောင်းနေတာကို အစထဲက တို့ သိထားခဲ့တယ်။ တနေ့ မှာ
ကိုကြီးရဲ့ အမြွှာညီဟာ ကျောက်ကပ်နဲ့ ပတ်သက်တဲ့ရောဂါဖြစ်နေပြီး အခြေ အနေ
အတော်ဆိုးနေတယ်လို့  သတင်းရခဲ့တယ်။ အချိန်မီကျောက်ကပ်ကို
အစားထိုးမလဲနိုင်ရင် အသက် အန္တရာယ်စိုးရိမ်ရတယ်တဲ့လေ။ ဒါကြောင့် ကိုကြီးဟာ
သူနဲ့  အချင်းတစ်ခု ထဲမွေးဖွားခဲ့တဲ့ သူ့ ရဲ့အမြွှာညီကို သူ့ 
ရဲ့ကျောက်ကပ်တစ်လုံးအစားထိုးပေးဖို့  သဘောတူခဲ့တယ်။ ပထမတစ်ခါ သူ
နိုင်ငံခြားသွားချိန် ထဲက လိုအပ်တဲ့စမ်းသပ်မှုတွေလုပ်ပြီးသားတဲ့လေ။
တို့ နှစ်ယောက်လက်ထပ်ဖို့ အစီအစဉ်ကို ခေတ္တရွှေ့ ဆိုင်းပြီး ကိုကြီး
အမေရိကားကိုလိုက်သွားဖို့ ပြင် ဆင်ခဲ့တယ်။ တို့ ကတော့  ရုတ်တရက်ဖြစ်ပေါ်လာတ
ဲ့အပြောင်းအလဲကို ဘယ်လိုလက်ခံရမယ်မှန်း မသိ စွာ ကြောင်တောင်တောင်နိုင်နေဆဲ။
ကိုကြီးကို စိတ်လည်း မချနိုင်၊ ခွဲလည်းမခွဲနိုင်၊ တားဖို့ လည်း မသင့်တော်နဲ့ 
တစ်နေ့ တစ်နေ့  မျက်ရည်ပဲ ကျနေမိတယ်။
ကိုကြီးကတော့
မအားလပ်တဲ့ကြားက တို့ ကိုနှစ်သိမ့်ရင်း၊ သင်္ကြန်
မှာပြန်လာနိုင်အောင်ကြိုးစားမဲ့ အကြောင်းနဲ့  တို့ ကို သိပ်ချစ်တဲ့
အကြောင်းတွေကို ထပ်တလဲလဲ ပြောနေခဲ့တယ်။ နောက်ဆုံးမှာတော့ ဘယ်လိုမှ
မတတ်သာစွာနဲ့ ပဲ သင်္ကြန်ကျဖို့  သုံးလတိတိ လိုတဲ့နေ့ မှာ ကိုကြီး
အမေရိကားကို ထွက်ခွာ သွားတော့တယ်။ ဘာကြောင့်မှန်းမသိပဲ တို့ 
စိတ်တွေလေးလံနေခဲ့ တယ်။ ဆေးဝါးတွေ ဘယ်လောက်ပဲ တိုးတက် တယ်ပြောပြော
ကံကြမ္မာကိုတော့ ဘယ်သူမှမလွန်ဆန်နိုင်ဘူးလေ။ ကိုကြီး တို့  ညီအကို ကျန်းမာ
ပါစေကြောင်းနဲ့  အမြန်ဆုံးအန္တရာယ်ကင်းစွာ အောင်မြင်စွာနဲ့ 
ခွဲစိတ်ပြီးပါစေကြောင်း နေ့ တိုင်း ဆုတောင်း ခဲ့ရတယ်။
ဘာလိုလိုနဲ့  သင်္ကြန်ကျဖို့  နီးကပ်လာခဲ့ပြီ။ ခွဲစိတ်မှုအောင်မြင်ကြောင်းနှင့် မကြာခင်မှာပြန် လာနိုင်အောင်ကြိုးစားနေကြောင်း တို
့ဆီကို ကိုကြီးက ဖုန်းဆက်ပြီးအကြောင်းကြားခဲ့တယ်။ ဒါပေမဲ့ သင်္ကြန်နား
နီးမှအဆက်အသွယ်ထပ်မရတာကြောင့် ဘယ်နေ့ ပြန်ရောက်မယ် မှန်း အတိ အကျ
မသိခဲ့ဘူး။ ဒီလိုနှင့် သင်္ကြန်ကျခဲ့ပြီ။ သူများတွေ သင်္ကြန်မှာပျော်နေကြ
တာကိုကြည့်ရင်း ရင်ထဲမှာလွမ်းလွမ်းဆွတ် ဆွတ် ခံစားနေရတယ်။
လမ်းမပေါ်ကဖြတ်သွားတဲ့သင်္ကြန်ကားတွေအသံကြားရင် တို့  မခံစားနိုင်ဘူး
ဖြစ်နေတယ်။ တို့ နှစ်ယောက်အတူ ဖြတ်ကျော်ဖူးတဲ့ သင်္ကြန်ပေါင်း ၅နှစ်ရှိခဲ့ပြီ။ တို့ နှစ်ယောက်ရဲ့ တွယ်တာမှုဟာလည်း ဖျက်မရအောင်
ခိုင်မြဲနေခဲ့ပြီ။
“လွမ်းတယ်ကိုကြီးရယ် ပြန်လာခဲ့ပါတော့။ နေ့ တိုင်းမျှော်ရလွန်းလို့  ခရုလည်းမောလှပြီ။”
ကိုကြီးကိုတမ်းတရတာ နေ့ စဉ်နဲ့ အမျှပါပဲ။ ဒီနေ့ သင်္ကြန်အတက်နေ့ ။
ကိုကြီးကိုလွမ်းဆွတ်မှုတွေကို ဘယ်လိုမှ မမျိုသိပ်နိုင်လွန်းစွာနဲ့  သင်္ကြန်ရေ
ကြားထဲကပဲ ရန်ကုန်တက္ကသိုလ်ထဲကို ထွက်လာမိပါတယ်။ ကိုကြီးနဲ့ အတူ သွားစဉ်က
စကားတပြောပြောနဲ့ မောရမှန်း မသိလျှောက်ခဲ့တဲ့ အဓိပတိလမ်း ဟာ အခုတော့
သူမတစ်ယောက်ထဲလျှောက်တဲ့အခါ မောပန်း၊ ရှည်လျား လွန်းလိုက်တာ။
စာကြည့်တိုက်ရှေ့ ကထိုင်နေကျ အုတ်ခုံလေးပေါ်အရောက်မှာတော့
အုတ်ခုံပေါ်မှာစကားပန်းလေး များဖြင့် ပုံဖော်ထားသော စာတန်းလေး၊ တို့ 
အသက်ရှုရပ်လုမတတ် ခံစားလိုက်ရတယ်။
“ခရုလေး၊ ကိုကြီး ပြန်ရောက်နေပြီ” တဲ့။
ဝမ်းသာမှုတို့ ကအတိုင်းဆမဲ့စွာ။ တို့ နှစ်ယောက်ထဲသာသိနိုင်သော
ဒီကိစ္စကိုဘယ်သူမှမနောက်နိုင်ပါ။
“ကိုကြီးရေ” လို့ ပါးစပ်က လည်းခေါ်ရင်း
လိုက်ရှာပေမဲ့မတွေ့ ဘူး။ နောက်ဆုံးမှာမောမောနဲ့ ထိုင်ချ လိုက်ပြီး
ကျောက်ခုံပေါ် မျက်နှာအပ်ကာ ငိုနေလိုက်တော့ တယ်။ မျှော်လင့်ထားတဲ့အတိုင်း
သိပ်မကြာခင်မှာ ပဲ ပခုံးပေါ်ကို ရေအေးအေးတွေ စီးကျလာတယ်။
မော့ကြည့်လိုက်တဲ့အခါ တို့ ကိုရီဝေစွာငေးကြည့်နေသော ကိုကြီးရဲ့
မျက်ဝန်းများ ဘာကြောင့် အရည်ကြည်များ ရစ်ဝိုင်းပြီး မှိုင်းညှို့ နေ ရတာလဲ။
တို့ နားမလည်နိုင်ဘူး။
“ကိုကြီး၊ ခရုကိုပြန်တွေ့ ရတာမပျော်ဘူးလားလို့ ။ မျက်နှာကြီးက ဘာဖြစ်နေတာလဲ။ နေ မကောင်းသေးဘူးလား။”
“နေကောင်းပါတယ်ခရုလေးရယ်၊ ခရီးနည်းနည်းပန်းလာလို့ ပါ။ ကလေးနဲ့ တွေ့ ရတာ ကိုကြီးမပျော် ပဲနေပါ့မလား။”
“ဒါဆိုရင်လည်း ပြီးရော။ ခရုက ကိုကြီးပြန်မလာခင် အိပ်မက်ဆိုးတွေ မက်နေလို့  စိတ်ပူနေတာ”
“ဟုတ်လား။ ဘယ်တုန်းကမက်တာလဲဟင်” ပြန်မေးလိုက်သော သူ့  အသံက အလောတကြီးနိုင်လွန်း လှတယ်။
“ဖြည်းဖြည်းမေးပါ ကိုကြီးရယ်။ ပြောပြမှာပေါ့။ မှတ်မှတ်ရရ သင်္ကြန်
အကြိုနေ့ ညက ကိုကြီးကို ခရု အိပ်မက်တယ်။ ကိုကြီးကလေ အ၀တ်အစား
အသစ်တွေဝတ်ထားပြီး အရမ်းကိုလှနေတယ်။ ပြီးတော့ ကိုကြီးက ခရုကို
လာနှုတ်ဆက်တာတဲ့။ ဟိုးအဝေးကြီးကို သွားရတော့မှာတဲ့။ ခရုကမခွဲနိုင် လို
့မသွားပါ နဲ့ လို့  ငိုပြီးတားတာတောင် မရဘူး။ အတင်းကို ထွက်သွားခဲ့ တာ။
အိပ်မက်ထဲမှာ ၀မ်းနည်းလွန်းလို့  ငိုလိုက် ရတာ။ လန့် လည်းနိုးလာရော
အပြင်မှာပါ ခရုတကယ်ငိုနေတာ သိလား။ ခေါင်းအုံးတစ်ခုလုံး စိုရွှဲ နေတာပဲ”
“အဲဒါ ဘယ်အချိန်လောက်ကလဲ။ ကလေးမှတ်မိလား။”
“မှတ်မိတယ်။ လန့် နိုးလာတော့ရေသောက်ချင်တာနဲ့ ထရင်း နာရီ
ကြည့်လိုက်မ်ိတာ။ ည ၁၁ နာရီ ခွဲတိတိပဲ။ အဲဒီ အချိန်မှာ တိုက်တိုက်
ဆိုင်ဆိုင်ခွေးတွေကလည်း အရမ်းအူတော့ ကြောက်လိုက်တာ မပြောပါ နဲ့ တော့။
ဒါကြောင့် ကိုကြီးကိုစိတ်ပူနေမိတာ။ ခုတော့ ကိုကြီး လည်းချောချောမောမော နဲ့ 
ပြန်ရောက်လာပြီ ဆိုတော့တော်သေးတာပေါ့။ မဟုတ်ရင် ကိုကြီး မလာမချင်း
စိတ်အေးနိုင်မှာမဟုတ်ဘူး။ လက်ထပ်ချင်ပြီ ကိုကြီးရယ်။ ခရုတို
့အတူနေကြရအောင်။ ကိုကြီးကို ထပ်ပြီးမခွဲနိုင်တော့ဘူး။ ကိုကြီးနဲ
့ သာခွဲရရင် ခရုသေမှာ။ ခုလို ခဏလေးခွဲရတာတောင် မခွဲနိုင်ဘူး။
ကိုကြီးသာအနားမှာရှိရင် ဘ၀တစ်ခု လုံး အေးချမ်းသွားပြီ။ ကိုကြီးရယ်၊ ခရုရယ်၊
သင်္ကြန်ရယ် ဘယ်တော့မှမခွဲတော့ဘူးနော်။”
ပြောပြောဆိုဆို သူ
့ရင်ခွင်ထဲတိုးဝင်လာသော သူမကို တင်းကျပ်စွာ ဖက်ထားမိပါတယ်။ သူ့ ရင်ထဲ မှာတော့
ဆို့ ဆို့  နင့်နင့် တုန်တုန် ယင်ယင် ..... ဆန်းကြယ်တိုက်ဆိုင်လွန်းလှတဲ့
စိတ်ချင်းဆက်သွယ်မှုကို ခံစားမိချိန် မှာကျလာတဲ့ သူ့  မျက်ဝန်းက
မျက်ရည်တစ်စက် ဟာ သူမပါးပြင်ပေါ်သို့  လွင့်စဉ်ကျသွားတဲ့အခါ သူမက အလန်
့တကြား .....
“ကိုကြီး ငိုနေတာလားဟင်”
“မဟုတ်ပါဘူးကလေးရယ်။ ကလေးနဲ့ အတူနေရတော့မှာမို့ ဝမ်းသာလွန်းလို
့ကျတဲ့မျက်ရည်ပါ။ ဒီနေ့ ကစပြီးကလေး ဘ၀တစ်ခုလုံး ကို နွေးထွေး
လုံခြုံအောင်စောင့်ရှောက်သွားမယ်လို့  ကိုကြီး တစ်ဘ၀ စာလုံးအတွက် ကတိပေးပါတယ်။ ”
မင်းရဲ့ ဘ၀ကလေးကို ထာဝရချမ်းမြေ့အောင် အတတ်နိုင်ဆုံး ကိုယ်
ဖန်တီးပေးမှာပါ။ မင်းရဲ့ စိတ်ထဲမှာ ဘယ်လိုမှခံစားနိုင်မှာမဟုတ်တဲ့
အကြောင်းအရာတစ်ခုကို တစ်သက်လုံး ကိုယ် ဘယ်တော့မှ မပြောပြတော့ ဘူးလို့ 
ဆုံးဖြတ်ချက် အပြီးချလိုက်ပါပြီ။ ဒါဟာ ကိုကြီး ကိုသိပ်ချစ်တတ်တဲ့ မင်းရဲ့
အချစ်နဲ့ ၊ မင်းကို သိပ်ချစ် တဲ့ ကိုယ့်ရဲ့ အမြွှာ အကိုတို့ ရဲ့ အချစ်ကို
လေးစားဂုဏ်ပြုလို့ ပါပဲ။
ဟုတ်တယ်။ ကိုယ်ဟာ မင်းရဲ့
အချစ်ဆုံးကိုကြီးမဟုတ်ပဲ ကိုကြီးရဲ့ အမြွှာညီ ညီညီဆိုတာကို မင်း ဘယ်တော့မှ
မသိစေရဘူး။ မင်းရဲ့ အချစ်ဆုံး ကိုကြီး၊ ကိုယ့်ရဲ့ အချစ်ဆုံးအကိုဟာ မင်းသူ
့ကို အိပ်မက်မက် တဲ့ သင်္ကြန် အကြိုနေ့  ည ၁၁နာရီခွဲအချိန်မှာပဲ
ကွယ်လွန်သွားခဲ့ တာကို မင်း သိမယ်ဆိုရင်
အံ့သြစရာကောင်းလွန်းစွာပဲ မင်းကို သူလာနှုတ်ဆက်တယ်လို့  မင်း
အိပ်မက်မက်နေတဲ့အချိန်မှာ ကိုကိုဟာ မင်းနာမည်ကို ရေရွတ် တမ်းတရင်း
ကွယ်လွန်သွားခဲ့တာဟာ ပြင်းထန်တဲ့အချစ်စိတ်ကြောင့်လား၊ အင်အားကြီး မားတဲ့
မသိစိတ်ရဲ့ စွမ်းအားကြောင့်လား။ မဝေခွဲနိုင်ခဲ့ဘူး။
ကျောက်ကပ်အစားထိုးပေးဖို့  ရန်ကုန်ကလာတဲ့ ကိုကိုဟာ သူ့ ရဲ့ အသက်ကို
အချိန်မီကယ် တင်ပေးနိုင်ခဲ့လို့  သူ အသက်ချမ်းသာရာရ ခဲ့ပေမဲ့ ကိုကို့ ရဲ့
အသက်ကိုတော့ သူ ပြန်မကယ်နိုင်ခဲ့ဘူး။ ကိုကို က သူ့ ချစ်သူအကြောင်းကို အမြဲ
တမ်းတဖွဖွပြောတတ်လွန်းလို့  ခရုလေးဆိုတဲ့နာမည်ရယ်၊ သူတို့ နှစ်ယောက်ရဲ့
ရည်းစားဘ၀အကြောင်းတွေရယ်ကို အစ အဆုံး သိနေခဲ့တာ။ သူ့ ချစ်သူရဲ့ ဓါတ်ပုံကို
ကိုယ်နဲ့ မကွာတမ်းဆောင် ထားတတ်တဲ့ ကိုကိုရဲ့ အကျင့်ကြောင့် သူ့ ချစ်သူကို
ဓါတ်ပုံမှတဆင့် ရင်းနှီးကျွမ်း ၀င်နေခဲ့တာ။ သင်္ကြန် ဆိုတာ သူတို
့နှစ်ယောက်ရဲ့ အထိမ်းအမှတ်မို့ လို့  သူ မရှိရင် သူ့ ချစ်သူ တစ်ယောက် ထဲ
အားငယ်နေမှာလို့ ပြောတတ်လွန်းလို့  သူတောင် မှအဖြစ်သည်းရန်ကောလို
့စနေခဲ့တာ။ ကိုကိုက သင်္ကြန် မရောက်ခင်နှစ်ရက် အလိုမှာ ပြန်ဖို
့ပြင်ဆင်ထားခဲ့တာ။ နေပါအုံးလို့  သူတို့ ဘယ်လိုတားတား မရ ခဲ့။ ပြန်ရမှာမို့ 
သိပ်ပျော်နေ တဲ့ကိုကိုဟာ ကံကြမ္မာရဲ့ထင်မှတ်မထား တဲ့ရက်စက်မှုကိုခံခဲ့ရတယ်။
ရန်ကုန် ကိုပြန်ဖို့ လေယာဉ်ကွင်းကိုအလာ လမ်းမှာ မမျှော်လင့်တဲ့
ကားတိုက်မှုကြောင့် သင်္ကြန်အမှီပြန်ချင်တဲ့ သူ့  စိတ်ကူးတွေ ပျက်စီးခဲ့ရတယ်။
ကိုကို့ မှာ ထိခိုက်ဒဏ်ရာတွေပြင်းထန်နေတဲ့ကြားက သူရဲ့ ချစ်သူ အတွက်
စဉ်းစားပြီး စီစဉ်ပေးခဲ့တာ။ ကိုယ့်ကိုလည်း ကတိတစ်ခုကို အတန် တန်တောင်းပြီး
သူဖြစ်ချင်တာတွေကို မှာကြားခဲ့တာ။ ကိုကို့ အတွက် ၀မ်းနည်းနာကျင်နေတဲ့ ကိုယ်
ဟာ ကိုကိုဖြစ်စေချင်တာ မှန်သမျှ လိုက် လုပ်ပေးဖို့  အဆင်သင့်ရှိနေခဲ့တယ်။
ကိုယ်ဟာကိုကို့ အစား မင်းအနား ကို ရောက်ဖို့  အကြောင်းဖန်လာတော့တာပါပဲ။
အချင်းတစ်ခုထဲကမွေးဖွားလာတဲ့ရုပ်အရမ်းတူတဲ့ အမြွှာညီ အကိုနှစ်ယောက်ကို မိဘတွေတောင် ရုတ်တရက်မခွဲခြားနိုင်ခဲ့တာ။ တခါမှ ကိုယ့်ကို
မမြင်ဘူးတဲ့ ကိုကို့ ချစ်သူဟာ ဘယ်လိုမှ သံသယ၀င်နိုင်စရာ မရှိ ပါ။
နောက်ဆုံးအချိန်ထိ ချစ်သူနာမည်ကိုရေရွတ်သွား ရင်း သေဆုံးသွားတဲ့ ကိုကိုရဲ့
စွဲလမ်းမှုကို ဘယ်လို မှ ဥပေက္ခာမပြုနိုင်ခဲ့ပါ။ ကိုယ့်ဆီကိုသာ
ကိုကိုရောက်မလာခဲ့ရရင် ခုလိုအဖြစ်ဆိုးမျိုး ကိုကိုတို
့ချစ်သူနှစ် ဦးကြားမှာ ကြုံလာနိုင်စရာမရှိတာမို့  တွေးမိတိုင်းမှာတော့
ဝမ်းနည်း နာကျင်ရပါတယ်။
သူရဲ့ သေဆုံးမှုကို သူ
့ချစ်သူအားမသိစေချင်သောကိုကိုဟာ ကိုယ့်ကို ခရုထံသို့ 
ကိုကြီးအဖြစ် သွားရောက်ဖို့ နဲ့  သူ့  ချစ်သူကို လက်ထပ်ပြီး
တစ်သက်လုံးကြင်နာစွာစောင့်ရှောက်သွားဖို့  တောင်းပန် ခဲ့တယ်။ ကိုယ်တိုင်
ကလည်း ဒီဇာတ်လမ်းကို သိထားပြီးသားမို့  ဟန်ဆောင်ဖို့ သိပ်မခဲယဉ်းခဲ့ဘူး။
သူတို့  အကြောင်းကိုဒိုင်ယာရီအမြဲရေးတတ်ခဲ့သော ကိုကိုကြောင့်လည်း
ခရုမရိပ်မိစေခဲ့ပဲ အဆင်ပြေစွာ သရုပ်ဆောင်နိုင်ခဲ့တယ်။
ရန်ကုန်ရောက်တော့လည်း ကိုကို့ အပေါ် အရမ်းချစ်တဲ့ သူမ အကြောင်းကို
သိခဲ့ရတာမို့  သနား ဂရုဏာသက်စွာနဲ့  ညီမလေးတစ်ယောက်လိုရော၊
ချစ်သူတစ်ယောက်လိုပါ အပြီးတိုင်စောင့်ရှောက် သွားဖို့ ဆုံးဖြတ်ထားတဲ့ သူ
့စိတ်ကူးတွေ ပိုမိုခိုင်မာခဲ့ပါတယ်။
သူတို
့မကြာခင်မှာပဲလက်ထပ်ဖြစ်ခဲ့တယ်။ လက်ထပ်ပွဲမှာကိုကို့ ကို သတိရလွန်းစွာနဲ့ 
သူကြေကြေ ကွဲကွဲ မျက်ရည်ကျတာကို သူမ ကတော့ ၀မ်းသာလွန်းလို့ ကျတဲ့မျက်ရည်လို
့ထင်နေခဲ့တာ။ ရှိပါစေတော့လေ။ ဘာမှ မသိတဲ့ သူမ ပျော်ရွှင်နိုင် ပါစေ။
သူမက သူ့ ကို သံသယကင်းစွာဖြင့် ချစ်ခင်ကြင်နာလေတိုင်း၊ သင်္ကြန် တိုင်းမှာ
သူမတို့ နှစ်ဦးရဲ့ ချစ်သူဘ၀က ကြည်နူးစရာ အဖြစ်အပျက် များကို
သတိတရပြန်ပြောလေတိုင်း သူ့ မှာတော့ သင်္ကြန်မှာသေ ဆုံးသွားတဲ့ ကိုကို့  ကို
သတိရမိပါတယ်။ သင်္ကြန်ကိုအရမ်းချစ်သော သူမဟာ သူမရဲ့ အချစ်ဆုံး ကိုကြီးကို
အဲဒီ သင်္ကြန်ရက်တွေအတွင်းမှာပဲ အပြီးတိုင်လက်လွှတ်ဆုံးရှုံး လိုက်ရကြောင်းကို
သိများ သိခဲ့ပါရင် . . . . .
မေဇူး